Təxribatçı Ermənistan Xarici İşlər Nazirliyinin məlumatına görə, Azərbaycanın Ermənistan-Azərbaycan sərhəddindəki hərəkətləri Ermənistanın tərəfdaşları tərəfindən qınanmağa layiqdir. Nazirliyin fikrincə, bunu regionda sülhün qorunmasında maraqlı olan bütün şəxslər etməlidir.

“Biz beynəlxalq ictimaiyyəti və regionda sülh və sabitlikdə maraqlı olan bütün tərəfdaşları məqsədyönlü bəyanatlar və aydın addımlar vasitəsilə Azərbaycanın təcavüzkar hərəkətlərini pisləməyə çağırırıq”, - deyə Ermənistan XİN-dən bildirilib.

Departamentdə qeyd edildiyi kimi, dünya birliyi Bakı tərəfindən vəziyyətin gərginləşməsinə yol verməməlidir. Ermənistan Xarici İşlər Nazirliyi onu da əlavə edib ki, Azərbaycan guya təhdid siyasəti yürüdür, digər ölkələrin vasitəçiliyi ilə tərəflər arasında qarşıdurmanın sülh yolu ilə həllinə mane olmağa çalışır.

“Gücdən istifadə və güc tətbiqi hədəsi Azərbaycanın siyasətinin tərkib hissəsidir və regionda vəziyyəti əhəmiyyətli dərəcədə destabilləşdirməyə və vasitəçi tərəfdaşların sülh danışıqlarını davam etdirmək səylərinə zərbə vurmağa yönəlib”, - nazirlik vurğulayıb.

Azadmedia.az xatırladır ki, Azərbaycan Xarici İşlər Nazirliyi sərhəddə iki dövlətin hərbçiləri arasında atışmadan sonra Ermənistanı regionda sülhə təhlükə yaratmaqda ittiham etdiyini bildirib