İranın xarici işlər naziri Hüseyn Əmir Abdullahiyan bildirib ki, Tehran işğal olunmuş torpaqların azad edilməsi və müstəqil hökumətin qurulması yolunda Fələstin xalqına dəstəyini davam etdirəcək. Azadmedia.az xəbər verir ki, bu barədə MEHR nəşri məlumat yayıb.

İranlı diplomat “sionist işğalçıların süqutunun”, Fələstin ərazisində davam edən hadisələrin, həmçinin “xalq arasında birliyin və fələstinlilərlə qlobal həmrəyliyin” vacibliyini vurğulayıb. O, bütün bunları “Fələstin İslam Cihadı” təşkilatının lideri Ziyad ən-Nahala ilə telefon danışığı zamanı deyib. Öz növbəsində, Nahala İranın “məzlum və dözümlü Fələstin xalqına” dəstəyini yüksək qiymətləndirib.

İslam İnqilabının Rəhbəri Ayətullah Əli Xamenei daha əvvəl demişdi ki, “qəsbkar sionist rejimin süqutu sürətlənir”. O qeyd edib ki, Fələstin təkcə müsəlman cəmiyyətinin deyil, bütün bəşəriyyətin problemidir.