ABŞ dövlət katibi Entoni Blinken mayın 3-nə keçən gecə Ukraynanın pilotsuz təyyarəsinin Kremlə hücumu ilə bağlı şərh verməyə hazır olmadığını bildirib.
“Mən hesabatları görmüşəm, sadəcə onları heç bir şəkildə təsdiqləyə bilmirəm. Sadəcə biz bilmirik. Əvvəlcə Kremldən gələn hər şeyi iki yerə bölərdim. Gəlin faktlara baxaq. Faktları bilmədən şərh vermək və ya spekulyasiya etmək çox çətindir”, - Blinken “The Washington Post” qəzetinə müsahibəsində deyib.
Bir jurnalistin Vaşinqtonun Kiyevin Rusiya ərazisinə zərbə endirmək qərarına dəstək olub-olmayacağı ilə bağlı sualına cavab olaraq cənab Blinken bildirib ki, belə “qərarları Ukrayna qəbul etməlidir”.
Mayın 3-də Rusiya prezidentinin mətbuat xidməti xəbər verib ki, Ukrayna gecə saatlarında iki pilotsuz təyyarənin köməyi ilə Kremlə zərbə endirməyə cəhd edib. Rusiya hakimiyyəti hücumu planlaşdırılan terror aktı və “Qələbə Günü, 9 May Paradı ərəfəsində həyata keçirilən” prezidentə sui-qəsd adlandırıb. Ukrayna prezidentinin mətbuat katibi Sergey Nikiforov bildirib ki, Ukrayna tərəfinin insidentdən xəbəri yoxdur.