Səudiyyə Ərəbistanının xarici işlər naziriFaisal bin Farhan Al Saud deyib ki, Ukrayna prezidenti Vladimir Zelenski Ərəb Liqasının (LAS) sammitinə dəvət olunub, çünki assosiasiya üzvləri Ukrayna böhranı ilə bağlı “bütün fikirləri eşitmək istəyirlər”.
“Biz prezident Vladimir Zelenskini bütün tərəflərin fikirlərini eşitməyə dəvət etdik. Ərəb ölkələri bu böhranın əvvəlindən bitərəf mövqe tutdular. Biz münaqişəni həll etmək üçün bir yol əldə edəcəyimizə ümid edərək iki tərəflə dialoq açmağa çalışdıq”, - Səudiyyə Ərəbistanı Xarici İşlər Nazirliyinin rəhbəri bildirib.

Bin Fərhan Əl Səudun sözlərinə görə, Ərəb Liqasının üzvü olan ərəb dövlətləri Ukraynadakı münaqişənin yalnız sülh danışıqları yolu ilə həll oluna biləcəyinə inanırlar. O əlavə edib ki, bütün tərəflərin mövqeyini öyrənmədən ərəb ölkələri vəziyyəti adekvat qiymətləndirə və münaqişənin həllində iştirak edə bilməyəcək.

Mayın 19-da Ərəb Liqasının sammiti zamanı Səudiyyə Ərəbistanının vəliəhdi Məhəmməd bin Salman Əl Səud bildirib ki, Ər-Riyad Rusiya-Ukrayna hərbi münaqişəsinin həlli üçün beynəlxalq səyləri dəstəkləyir. Sammitə gələn Ukrayna Prezidenti Vladimir Zelenski çıxışı zamanı nümayəndələrdən Ukraynanın “sülh formulu”nu dəstəkləməyi xahiş edib.