Kantonlar Şurası (İsveçrə parlamentinin yuxarı palatası) Ukraynaya silahların təkrar ixracına icazə verən qanuna düzəlişi təsdiqləyib. Qərarı 22 deputat dəstəkləyib, 17 deputat əleyhinə olub, dördü isə bitərəf qalıb.

Press-relizdə qeyd edildiyi kimi, alınan silahların təkrar ixrac olunmaması ilə bağlı bəyannamələrin qüvvədə olma müddəti beş illə məhdudlaşdırılmalıdır. Digər şərtlərlə yanaşı: ölkə münaqişəyə cəlb edilmir, insan hüquqlarının ciddi şəkildə pozulmasına yol vermir, “özünümüdafiə hüququndan istifadə etmir”.

İndi İsveçrənin Milli Şurası (parlamentin aşağı palatası) düzəlişlə bağlı səsvermə keçirməlidir. Fevralda oxşar təşəbbüsə baxılanda aşağı palata onun əleyhinə səs vermişdi.

Mart ayında parlament Avropa ölkələrinə Ukraynaya İsveçrədə istehsal olunan silah və sursatların verilməsinə icazə verilməsi təklifinə baxılmasını dayandırıb. Elə həmin ay parlamentarilər təkrar ixrac qaydalarına edilən hər hansı dəyişikliyə baxılmasını may ayına qədər təxirə saldılar. May ayında profil komissiyası bir sıra şərtlərə riayət etməklə təkrar ixracı mümkün hesab edib.