Fransa məhkəməsi Azərbaycanın Parisdəki səfirliyinə hücum edən şəxsi 6 aylıq şərti cəzaya məhkum edib. Azadmedia.az xəbər verir ki, bu barədə Azərbaycanın bu ölkədəki səfiri Leyla Abdullayeva bildirib.

"Ədalət zəfər çaldı! Azərbaycanın Fransadakı səfirliyinə hücum edən şəxs 6 ay şərti cəzaya məhkum edilib və ona dəymiş ziyana görə kompensasiya ödənilib", - diplomat sosial şəbəkədə paylaşdığı mesajda bildirib.

Xatırladaq ki, sentyabrın 18-də erməni radikalları aksiya zamanı Azərbaycanın Fransadakı səfirliyinə soxulmağa cəhd ediblər. Onlar giriş qapısını sındıraraq içəri girməyə çalışıblar.

Azərbaycan Xarici İşlər Nazirliyi bəyanatında bu vandalizm aktını pisləyib və Fransa hüquq-mühafizə orqanlarından hücumla bağlı araşdırma aparmağı və baş verənlərə müvafiq hüquqi qiymət verməyi tələb edib.