Ermənistan Qarabağ erməniləri üçün xüsusi status istəyir. Amma Azərbaycanda milli azlıqlar üçün xüsusi ayrıca şərait yoxdur, hamı bərabər hüquq və imkanlara malikdir. Rəsmi Bakı dəfələrlə qeyd edib ki, Qarabağın erməni əhalisi gündəlik səviyyədə erməni dilində ünsiyyət qura, bu dildə təhsil ala, mədəniyyətlərini qoruyub saxlaya biləcək. Azərbaycanda rus bölmələri olduğu kimi, ermənilərin sıx yaşadığı yerlərdə də erməni dilli məktəblər olacaq. Tədris prosesi iki (hətta üç - Azərbaycan, erməni, rus) dillərində aparıla bilər.

Ermənistan durmadan məsələ qaldıranda, hər zaman Qarabağ ermənilərinin hüquqları və təhlükəsizliyi məsələsinin büdrəmə olduğunu iddia edəndə, aydın olur ki, bu, Ermənistan-Azərbaycan nizamlanmasında çətin mövzudur, lakin demək olmaz ki, həll olunmazdır. Daha doğrusu, İrəvan bunu elə təqdim etməyə çalışır ki, sonda Bakı ilə heç nə ilə razılaşmasın. Və bu məsələni qızışdırmaq, ondan qalmaqal çıxarmaq missiyası daşıyır.

Bəli, erməni əhalisinin Azərbaycan cəmiyyətinə reinteqrasiyası problemi var. Amma heç kim bu mövzunu təbliğ etməsə, ümumilikdə hər şey mümkündür və reinteqrasiya mümkündür. Axı əvvəllər Azərbaycanda azərbaycanlılarla ermənilər bir yerdə yaşayırdılar. Müəyyən dərəcədə Rusiyada da təmasda olurlar, qarşılıqlı əlaqədə olurlar.

Azərbaycan Qarabağ ermənilərinə milli kimliklərinin qorunub saxlanmasına zəmanət verir. Ölkədə hamı kimi - ruslar, yəhudilər, tatarlar, ləzgilər, tatalar, avarlar və s. Hər kəs. Amma Ermənistan Qarabağ ermənilərinə muxtariyyət istəyir, bu da mümkün deyil. Qarabağ Azərbaycandır, Qarabağda söz sahibi Azərbaycandır.