Türkiyə prezidentliyinə keçmiş namizəd Kamal Kılıçdaroğlu İsveçin Quranın yandırılmasına reaksiyasına münasibət bildirib. Türkiyə müxalifətinin lideri Stokholmun susmasını biabırçılıq adlandırıb.

Siyasətçi baş verənlərlə bağlı fikirlərini Twitter səhifəsində paylaşıb. Kılıçdaroğlu bu cür hərəkətləri şiddətlə qınayıb. Onun sözlərinə görə, onlar müxtəlif irqlərin və dinlərin nümayəndələri arasında sülhü təbliğ etmir, sadəcə olaraq nifrət doğurur.

Xatırladaq ki, İsveç polisi Stokholmdakı əsas məsciddə Quranın yandırılması ilə etiraz aksiyasına icazə vermişdi. Təxribat xarakterli hadisə iyunun 28-də, Qurban bayramının ilk günündə baş verib. Skandinaviyanın baş naziri Ulf Hjalmar Kristersson hadisəni şərh edərək, polisin qərarının "qanuni, lakin yersiz" olduğunu deyib.