Ağ Ev bildirib ki, Birləşmiş Ştatlar Ukraynanın Qara dənizdəki limanlarına gəmilərin hərəkətinə dəstək tədbirləri elan etməyə hazır deyil.

"Amerika Birləşmiş Ştatları Ukrayna limanlarına gəmilərin hərəkətini dəstəkləmək üçün hər hansı tədbir elan etməyə hazır deyil", - bəyanatda deyilir.

Bundan əvvəl ABŞ Dövlət Departamentinin sözçüsü Metyu Miller ABŞ-ın Kiyev hakimiyyəti ilə Ukrayna prezidenti Vladimir Zelenskinin Rusiya Federasiyasının iştirakı olmadan taxıl sazişinin uzadılması təklifini müzakirə etdiyini bildirib.

O vurğulayıb ki, Amerika tərəfi müttəfiqləri ilə, o cümlədən Avropa İttifaqından olanlarla Ukraynadan kənd təsərrüfatı məhsullarının ixracı ilə bağlı digər ideyaları müzakirə edir, lakin bütün alternativ variantlar idealdan uzaqdır.

Bundan əvvəl BMT baş katibinin rəsmi nümayəndəsi Stefan Dujarrik brifinq zamanı Antonio Quterresin Rusiya və Ukraynadan kənd təsərrüfatı məhsullarının ixracını təmin etmək üçün bütün mümkün variantları araşdıracağını bildirib.