Ermənistan Qərbin tətbiq etdiyi sanksiyaları pozmadan üçüncü ölkədən Rusiyaya avtomobil satır. Azadmedia.az xəbər verir ki, bunu ER İqtisadiyyat Nazirliyinin nümayəndəsi bildirib.
İqtisadiyyat Nazirliyinin sənaye siyasəti şöbəsinin müdiri Armen Yeqanyan əmin edib ki, Ermənistandan Rusiya Federasiyasına avtomobillərin təkrar ixracı Qərbin ölkəyə qarşı ikinci dərəcəli sanksiyalar tətbiq etməsinə səbəb olmayacaq.

Bundan əvvəl KİV-də Rusiya Federasiyasında avtomobillərin təkrar ixracının kəskin şəkildə artdığı bildirilirdi. 2023-cü ilin yanvar ayında göstərici ötən ilin birinci ayı ilə müqayisədə 200 dəfə artıb.

Yeqanyan xatırladıb ki, təkrar ixrac adi təcrübədir və dünyada bununla məşğul olan çoxlu ölkələr var. Məsələn, Ermənistan Rusiya və İran üçün təkrar ixracatçıya çevrilib.