Çinin Rusiyadakı səfirliyindən verilən məlumata görə, Moskvada rəsmi olaraq Çin viza xidməti mərkəzi açılıb.

“2023-cü il avqustun 7-də Çin Xalq Respublikasının Rusiya Federasiyasındakı səfirliyi Moskvada viza xidməti mərkəzini rəsmi olaraq işə salacaq”, - deyə diplomatik nümayəndəlikdən bildirilib.

Mərkəz Vasilisa Kojina küçəsi, ev 1-də yerləşir.

Səfirlik əlavə edib ki, adi pasportu olan Rusiya vətəndaşları da Çinin Yekaterinburq, Xabarovsk, İrkutsk və Vladivostokdakı baş konsulluqlarına, o cümlədən Makao və Honq-Konqa viza üçün müraciət edə bilərlər.

Moskva Viza Müraciət Mərkəzinin portalı bildirir ki, sənədlər bazar ertəsindən cümə gününə qədər saat 9.00-dan 15.00-dək qəbul edilir. Ərizəçi internet səhifəsində viza ərizəsi formasını doldurmalı və görüş təyin etməlidir. Həmçinin, xidmət mərkəzi öz xidmətləri üçün bir haqq alır.