Departamentin məlumatına görə, tərəflərin hələ müzakirə etmədiyi bir sıra mürəkkəb mövzular var. “Bakıdan və İrəvandan mümkün qədər tez sülhə nail olmaq öhdəliyi barədə siqnallar o demək deyil ki, tərəflər istənilən şərtlərlə razılaşmağa hazırdırlar. Bir sıra mürəkkəb mövzularda həll yolları tapmalıyıq”.
Eyni zamanda, Rusiya Xarici İşlər Nazirliyi qeyd edib ki, Moskva bütün səviyyələrdə siyasi və diplomatik kanallardan istifadə etməklə Bakı və İrəvana sülh müqaviləsinin hazırlanmasında fəal kömək edir. “Sülh müqaviləsinin hazırlanması 2020-ci il noyabrın 10-da Azərbaycan, Rusiya və Ermənistan liderləri tərəfindən imzalanmış üçtərəfli sazişlərin elementlərindən biridir. Rusiya tərəfi bütün səviyyələrdə siyasi və diplomatik kanallardan istifadə edərək, sülh müqaviləsinin hazırlanmasında Bakı və İrəvana enerjili yardım göstərir. Hər il üçtərəfli sammit keçirilir, nazirlər mütəmadi olaraq görüşür və bu yaxınlarda belə bir görüş olub”. Qeyd edək ki, bir müddət əvvəl Moskva Ermənistan-Azərbaycan nizamlanması kontekstində vasitəçiləri Bakı və İrəvanı sənədi qəbul etməyə tələsməməyə çağırıb, Bakı ilə İrəvan arasında sülh sazişinin bağlanmasına məcbur edilməsinin ölkədə acınacaqlı nəticələrə səbəb ola biləcəyini vurğulayıb. Sonra departament qeyd edib ki, Rusiya tərəfi ondan çıxış edir ki, Bakı və İrəvan imzalanma vaxtını müstəqil müəyyənləşdirməlidir. “Tələsik hazırlanmış, kobud sülh müqaviləsi regiona davamlı sülh gətirməyəcək. Əksinə, gələcəkdə yeni münaqişələrin, faciələrin əsasını qoyacaq. Sürətə deyil, balanslaşdırılmış və qarşılıqlı məqbul qərarların keyfiyyətli hazırlanmasına üstünlük verilməlidir”.
Azadmedia.az