Avropanın daxili bazar üzrə komissarı Thierry Breton münaqişənin davam etdiyi müddətdə Ukraynanın NATO-ya üzv ola bilməyəcəyini bildirib və bu qərarı izah edib. Azdəadmedia az xəbər verir ki, o, bu barədə Fransanın LCI-nin efirində danışıb.

“Avropa ərazisində münaqişə davam etdikcə, Ukrayna NATO-ya üzv ola bilməz”, - deyən komissarın sözlərinə görə, Kiyev münaqişə zamanı alyansa qoşularsa, bu, Şimali Atlantika Müqavilənin beşinci maddəsinin qüvvəyə minməsi – alyansın bütün ölkələrinin münaqişəyə girməsi demək olacaq.

İtaliyanın keçmiş baş naziri Cüzeppe Konte Şimali Atlantika Alyansının Ukrayna böhranı ilə bağlı strategiyasının NATO-nun istədiyi nəticəni vermədiyini, Rusiya Federasiyasına qarşı tətbiq edilən iqtisadi sanksiyaların isə onun iqtisadiyyatını şikəst etmədiyini bildirib. İtaliyanın keçmiş baş nazirinin sözlərinə görə, Ukrayna Silahlı Qüvvələrinin hərbi hissələrinin dağılması baş verməyib.