Həftəsonu Ermənistan müxalifəti “ayılıb” və separatçıların bu ərazinin Azərbaycandan ayrıldığını bəyan etməsinin ildönümündə “Qarabağ xalqı”nın müdafiəsi üçün mitinq təşkil etmək qərarına gəlib. Keçmiş qondarma müxalifət lideri Vazgen Manukyan “Qarabağda vəziyyəti dəyişmək” üçün “mübarizə orqanı” yaratmağı təklif edib.
Əgər erməni müxalifəti doğrudan da “küçədə öldüyü” deyilən Qarabağ sakinlərinə kömək etmək istəyirsə, humanitar yük maşınlarını buraxsınlar. 10 gündür yardım dolu maşınlar Ağdam yolunda gözləyir. Burdan görürük ki, Qarabağ sakinləri separatçıların girovudur, sövdələşmə aparırlar, görünür, onların canı separatçılar və Ermənistan üçün heç bir dəyərə malik deyil.

Separatçıların siyasi-hərbi yolda fəallaşması yalnız ona gətirib çıxaracaq ki, Azərbaycan qoşunları tezliklə bütün Qarabağa nəzarəti ələ keçirəcək. Azərbaycan Rusiya ilə razılığa gələcək. Cənab Prezident İlham Əliyev dəfələrlə bəyan edib ki, biz sülh tərəfdarıyıq, müharibə istəmirik. İstəmirik məsələ müharibə yolu ilə həll olunsun, xüsusən də Qarabağda hələ də qanunsuz silahlı erməni birləşmələri var. Amma hazırki situasiyada vəziyyəti qızışdıran İrəvandır.
Ötən həftə diqqət çəkən bir hadisə baş verdi. “Rossiya Seqodnya” “Sputnik” radiosunun Qarabağda yayımını dayandırıb. Bu, Paşinyanın özünün Qarabağı azərbaycanlı kimi tanıması və Azərbaycan ərazisində yayımın davam etdirilməsinin Rusiya-Azərbaycan münasibətlərinə mənfi təsir göstərməsi ilə izah edilib. Belə bir qərar ən azı Moskvanın məntiqində Ermənistan-Azərbaycan prosesində müsbət irəliləyişləri əks etdirir.
Rusiya hər zaman Azərbaycanın suverenliyini və ərazi bütövlüyünü dəstəkləyib. Bu addımla Moskva Qarabağın Azərbaycan olduğunu bir daha təsdiqlədi. Bəli, hələ Azərbaycanın faktiki nəzarətində deyil, lakin bu, heç nəyi dəyişmir və Qarabağ istinasız Azərbaycan ərazisidir. Bu ərazidə baş verən hər şey son nəticədə yalnız Azərbaycanın razılığı və Bakının nəzarəti altında baş verməlidir.