Oktyabrın 13-14-də Şuşada Beynəlxalq Türk Mədəniyyəti Təşkilatına (TÜRKSOY) üzv ölkələrin Mədəniyyət Nazirləri Daimi Şurasının 40-cı iclası keçiriləcək.
Bu barədə TÜRKSOY-un baş katibinin müavini Sait Yusuf məlumat verib.

Onun sözlərinə görə, iclasda 6 ölkənin - təşkilatın yaradıcıları olan Türkiyə, Azərbaycan, Qazaxıstan, Qırğızıstan, Türkmənistan, Özbəkistanın mədəniyyət nazirləri iştirak edəcək. Ənənəvi olaraq toplantıda TÜRKSOY-un fəaliyyəti müzakirə olunacaq, 2024-cü il üçün planlar açıqlanacaq, müvafiq qərarlar qəbul ediləcək.

Baş katibin müavini tədbirin bağlanışında qəbul ediləcək bəzi qərarları da açıqlayıb.

“2024-cü ildə “Türk dünyasının mədəniyyət paytaxtı” adı Şuşa şəhərindən Türkmənistanın Anev şəhərinə keçəcək”, - deyə S.Yusif bildırıb.