İsrail, bazar günü, oktyabrın 15-də mülki əhalinin anklavın cənubuna köçməsinə icazə vermək üçün Qəzza zolağında humanitar dəhliz açacaq, Jerusalem Post xəbər verir.

Qeyd olunur ki, humanitar dəhliz yerli vaxtla səhər saat 10-da açılacaq. Saat 13:00-a qədər açıq olacaq.

Vurğulanır ki, bu zaman İsrail hərbçiləri Qəzza zolağının əsas magistral yolu olan Səlahəddini atəşə tutmayacağına söz verir.

Oktyabrın 14-də Fələstin prezidenti Mahmud Abbas Qəzza zolağının sakinlərinin öz torpaqlarından köçürülməsi ideyasını rədd edib. Bunun əvəzinə o, Qəzza zolağına dərman, su və yanacağın çatdırılması üçün humanitar dəhlizlərin açılmasını istəyib.