Əgər Paşinyan Qərbə gedərək Rusiya ilə münasibətləri pozarsa, Ukraynada olduğu kimi, onun da iqtisadi deqradasiyası başlayacaq.
Qərb artıq Ermənistanın “təhlükəsizliyini təmin etməyə” hazırdır. Hətta kiçik bir ölkənin bazarına silah tədarükü cəlbedicidir. Ermənistanın Rusiya silahlarından imtina etməsi və NATO formatına keçməsi, ordunun NATO qaydasında tamamilə yenidən silahlanması Qərb üçün də sərf edir.
Ermənistan artıq rəsmi şəkildə bəyan edib ki, Rusiya və KTMT-nin əvəzinə təhlükəsizlik üçün yeni tərəfdaşlar axtarır, bunu Fransa və Aİ-də tapıb. Paris respublikanı silahla təmin etmək niyyətindədir. Paşinyanın bugünkü bəyanatlarına görə, Aİ ilə təhlükəsizlik sahəsində əməkdaşlıq artıq davam edir - bu, Avropa İttifaqının Ermənistan-Azərbaycan sərhədində “mülki” monitorinq missiyasıdır.
Əgər Ermənistan ətrafında gedən proseslərin uzunmüddətli perspektivindən danışsaq, aydındır ki, sabah respublika heç bir Qərb inteqrasiya birliyinə daxil ola bilməyəcək. Hələ 15-20 ildən sonra dünyanın necə olacağını heç kim bilmir. Paşinyan bu yaxınlarda bəyan etdi ki, Ermənistan KTMT-dən çıxmaq fikrində deyil və Rusiya bazası ilə bağlı hər şey əvvəlki razılaşmalar çərçivəsində qalır...
Çünki birdən-birə özünü heç nəsiz tapmaq onun üçün qorxuludur. O, NATO ilə alyansın Ermənistan ərazisində olması ilə bağlı razılaşma əldə etdikdən iki saat sonra KTMT-ni tərk edəcək. Ermənistan üzərində “müdafiə çətiri” olmadan mövcud ola bilməz.