Ermənistan sülh müqaviləsinin hazırlanması çərçivəsində Azərbaycanla üç prinsip üzrə razılığa gəlib. Azadmedia.az xəbər verir ki, bunu Ermənistanın baş naziri Nikol Paşinyan bu gün respublika parlamentinin iclasında deyib. Paşinyan birinci prinsip kimi ərazi bütövlüyünün qarşılıqlı tanınmasını göstərib. Ermənistan hökumətinin başçısı Bakının Ermənistanın 29,8 min kvadratkilometr ərazisini, İrəvanın isə öz növbəsində Azərbaycanın 86,6 min kvadrat kilometr ərazisini tanımasına diqqət çəkib.

İkincisi, Paşinyanın sözlərinə görə, razılaşdırılmış prinsip ondan ibarətdir ki, tərəflər Alma-Ata bəyannaməsi əsasında sərhədin delimitasiyası ilə bağlı razılığa gəliblər. Bu o deməkdir ki, iki ölkənin sərhədləri Sovet İttifaqı dövründə Ermənistan və Azərbaycanın mövcud olduğu dövlət sərhədləri məntiqinə uyğun qurulacaq. Həmçinin, üçüncü razılaşdırılmış prinsip kimi, Paşinyan regional kommunikasiyaların açılmasının adını çəkdi, onun sözlərinə görə, onlar keçdikləri ölkələrin yurisdiksiyasında bərabərlik və qarşılıqlılıq əsasında fəaliyyət göstərməlidirlər. Logistila və nəqliyyat əlaqələrinin açılması məsələsi ilə əlaqədar Paşinyan bildirib ki, Ermənistanda Milli Təhlükəsizlik Xidmətinin tərkibində gələcəkdə respublika ərazisindən keçəcək beynəlxalq rabitənin təhlükəsizliyini təmin etmək üçün xüsusi bölmə yaradılacaq.

Xatırladaq ki, Azərbaycan və Ermənistan 2021-ci ilin əvvəlindən bir neçə dəfə sülh müqaviləsi ilə bağlı təkliflər mübadiləsi aparıblar. Sülh müqaviləsinin imzalanması və Ermənistanla münasibətlərin normallaşdırılması təşəbbüsü ilə ilk çıxış edən Azərbaycan oldu. Azərbaycanın təklifləri ərazi bütövlüyünün qarşılıqlı tanınması, ərazi iddialarının olmaması, təhlükəsizliyə təhdidlərdən çəkinmə, sərhədin delimitasiyası və demarkasiyası və nəqliyyat kommunikasiyalarının açılması kimi beş prinsipə əsaslanır. Bu gün həm Azərbaycan, həm də Ermənistan liderləri ilin sonuna qədər sülh sazişi imzalamağa hazır olduqları barədə vaxtaşırı bəyanatlar verirlər.