İranın xarici işlər naziri Hüseyn Əmir Abdullahiyan Qətər və Türkiyəyə səfər edərək regional məsləhətləşmələrin növbəti mərhələsini keçirəcək. Bu barədə İran xarici işlər nazirinin siyasi məsələlər üzrə müavini Əli Bəkri bildirib.

İran XİN rəhbərinin Qətər və Türkiyədəki görüşləri və müzakirələri “Fələstindəki son hadisələrə həsr olunacaq”.

“Qətərə səfərdən dərhal sonra (oktyabrın 31-də başlayır – red.) Abdullahianın Türkiyəyə gedəcəyi, orada bu ölkənin rəsmiləri ilə görüşəcəyi və Fələstindəki vəziyyəti müzakirə edəcəyi planlaşdırılır”, - İRNA nazir müavinindən sitat gətirir.