Honduras Xarici İşlər Nazirliyi Fələstinlə münaqişə fonunda öz səfirini İsraildən geri çağırmaq qərarına gəlib. Bu barədə Reuters xəbər verir.

Agentliyin məlumatına görə, məsləhətləşmələr üçün səfir İsrailin Qəzza zolağında humanitar qanunları mümkün pozması səbəbindən geri çağırılıb.

Bundan əvvəl Bəhreynin İsraildəki səfirinin vətəninə qayıtdığı bildirilirdi. Nəşr izah edib ki, öz növbəsində İsrailin Bəhreyndəki səfiri krallığın ərazisini tərk edib.
Bəhreyn Deputatlar Palatası daha əvvəl İsrail ordusunun Qəzza zolağındakı hərəkətləri ilə razılaşmamaq əlaməti olaraq səfirin İsraildən geri çağırılmasını və Qərbi Qüdslə iqtisadi əlaqələrin kəsilməsini elan etmişdi. Bundan əvvəl İordaniya, Kolumbiya və Çili İsraildəki səfirlərini geri çağırıb. Boliviya isə Qərbi Qüdslə diplomatik əlaqələri tamamilə kəsdi.