Təşkilatçılar bildirirlər ki, Vaşinqtonda Fələstinə dəstək aksiyasına 100 mindən çox adam gəlib.

"100 mindən çox. Bu, ABŞ tarixində Fələstinə dəstək üçün ən böyük nümayişdir", - "Cavab" koalisiyasının koordinatoru Brayan Bekker RİA Novosti-yə bildirib.

Onun sözlərinə görə, mitinqin təşkili iki həftədən bir qədər çox çəkib, insanlar ABŞ prezidenti Co Bayden administrasiyasının ikiüzlülüyünü pisləmək üçün çıxıblar.

“İnsanlar Bayden administrasiyasının İsrailin mülki insanlara qarşı müharibəsini dəstəkləməsindən çox qəzəblənirlər.

Azadlıq Plazasının mərkəzi meydanında keçirilən mitinqdən sonra fəallar şəhər küçələri ilə kortejlə hərəkət ediblər.