Fələstinin Həmas hərəkatı Qəzza zolağına nəzarəti itirib. Bu barədə İsrailin müdafiə naziri Yoav Qalant yerli “The Times of Israel” qəzetinə istinadən məlumat verib.

Onun dediyi kimi, HƏMAS hərəkatının İsrail əsgərlərinə müqavimət göstərmək üçün kifayət qədər resursları yoxdur. Bu baxımdan İsrail Müdafiə Qüvvələri (İDF) bütün döyüş sahələrində irəliləyir.

“Həmas Qəzzaya nəzarəti itirib. Terrorçular cənuba qaçır”, - Qalant vurğulayıb.

Nazir əlavə edib ki, mülki əhali hazırda Fələstin anklavında HƏMAS bazalarını talayır. Onun sözlərinə görə, bu, mülki əhali arasında hakimiyyətə hər hansı inamın olmaması ilə bağlıdır.

Noyabrın 13-də İDF mətbuat ofisi bəyan edib ki, Fələstin HƏMAS hərəkatı artıq Qəzza zolağının şimalında mütəşəkkil hərbi struktur kimi mövcud deyil. Döyüşlər zamanı HƏMAS batalyonları ağır itkilər verib və onların döyüş imkanları təhlükə altına düşüb.

Ümumilikdə, İsrail Müdafiə Qüvvələrinin məlumatına görə, münaqişənin kəskinləşdiyi vaxt Qəzza zolağında Fələstin hərəkatının 30 min üzvü var idi. Eyni zamanda, onlar beş regional briqadaya və 24 batalyona bölündülər.