İsrail və Fələstinin radikal HƏMAS hərəkatı Qəzza zolağında humanitar atəşkəsin daha iki gün uzadılması barədə razılığa gəlib. TASS xəbər verir ki, bu barədə Qətər Xarici İşlər Nazirliyinin rəsmi nümayəndəsi Məcid bin Məhəmməd əl-Ənsari bildirib.

Əl-Ənsari sosial şəbəkədə yazıb: “Qətər Dövləti davam edən vasitəçilik çərçivəsində Qəzza zolağında humanitar atəşkəsin daha iki gün uzadılmasına dair razılıq əldə olunduğunu elan edir.

Həmas Qəzza zolağında atəşkəsin iki gün müddətinə uzadılması ilə bağlı razılaşmanı da təsdiqləyib.

Hərəkatın Siyasi Büro rəhbərinin mətbuat katibi İsmayıl Haniyə Taher əl-Nunu bildirib ki, saziş “eyni şərtlərlə işləyəcək”.

“Müvəqqəti humanitar atəşkəsin daha iki gün uzadılması ilə bağlı razılıq əldə olunub”, - deyə əl-Nunu bildirib. “İsrail hər girov üçün üç fələstinli məhbusu qaytarır. Bundan əlavə, hər gün Qəzza zolağına humanitar yardım daşıyan 200 yük maşını daxil olacaq”, - deyə mətbuat katibi bildirib.