Türkiyə Macarıstanın ABŞ və Aİ-nin Ukrayna münaqişəsi ilə bağlı strategiyasına yenidən baxılmasının zəruriliyi ilə bağlı təklifini dəstəkləyib. Azadmedia.az TASS-a istinadən xəbər verir ki, bunu Macarıstan Xarici İşlər Nazirliyinin rəhbəri Peter Siyarto NATO-ya üzv ölkələrin xarici işlər nazirlərinin Brüsseldə keçirilən görüşünün yekunları üzrə bildirib.

Onun sözlərinə görə, plan Ukraynanın hərbi qələbə qazanmasını, Rusiyanın məğlub olmasını və bunun siyasi nəticələrini nəzərdə tuturdu.
Onun sözlərinə görə, sual vermək lazımdır ki, əgər strategiya hələ işə yaramayıbsa, o zaman “B planı hazırlamaq lazımdır. Amma bu təklifi yalnız Türkiyənin xarici işlər naziri Hakan Fidan dəstəkləyib. Görüş iştirakçılarının qalan hissəsi hadisələrin belə inkişafına hazır deyildilər.