Rusiya prezidenti Vladimir Putin Türkiyə ilə çoxlu yeni maraqlı layihələr gözləyir. TASS xəbər verir ki, o, bunu Türkiyənin Rusiya Federasiyasındakı səfiri Tanju Bilgiç də daxil olmaqla, xarici ölkələrin səfirlərinə etimadnamələrin təqdim edilməsi mərasimində deyib.

Rusiya dövlətinin başçısı xarici ölkələrin səfirlərinə, o cümlədən Türkiyənin Azərbaycandakı səfirinə etimadnamələrin təqdim edilməsi mərasimində deyib: “Bizim hələ çox, çoxlu başqa maraqlı layihələrimiz, müştərək öhdəliklərimiz var, o cümlədən ticarət və yüksək texnologiyalar sahəsində”.

Artıq həyata keçirilən layihələrə misal olaraq Putin iki ölkə arasında enerji sahəsində əməkdaşlığı göstərib. Onun qiymətləndirməsinə görə, bu sahədə qarşılıqlı fəaliyyət “həqiqətən də strateji xarakter daşıyır”. “Rosatom Türkiyədə ilk Akkuyu atom elektrik stansiyasının tikintisini davam etdirir, “Mavi axın” və “Türk axını” boru kəmərlərinin istismarı çərçivəsində qaz sektorunda sıx əməkdaşlıq qurulub və Türkiyədə qazpaylayıcı qovşağın yaradılması istiqamətində işlər aparılır. ", - deyə Rusiya lideri qeyd edib.

Putinin sözlərinə görə, “Rusiyanın Türkiyə Respublikası ilə tərəfdaşlığı yüksək səviyyədədir və müxtəlif sahələrdə səmərəli qarşılıqlı fəaliyyət sahəsində uzun illər təcrübəsinə əsaslanır”. "Bundan başqa, hər iki ölkə mehriban qonşuluq, tərəfdaşlıq və qarşılıqlı fayda prinsipləri əsasında əlaqələri daha da inkişaf etdirmək əzmindədir", - Rusiya prezidenti əmin edib.

O, Türkiyə prezidenti Rəcəb Tayyib Ərdoğanla “bütün əsas ikitərəfli məsələlərin müntəzəm təmasların gündəmində olduğuna” diqqət çəkib.