Beynəlxalq Atom Enerjisi Agentliyi (MAQATE) Ermənistanın AES-in bağlanması üçün addım atmaq niyyətində deyil. MAQATE-nin baş direktoru Rafael Qrossi Türkiyənin bu AES-in bağlanması üçün tədbirlər görmək barədə müraciətini şərh edərkən “Armenpress”ə bildirib.
Onun sözlərinə görə, Ermənistan zavodun təhlükəsizliyini gücləndirmək üçün MAQATE ilə əməkdaşlığı davam etdirir. Atom elektrik stansiyasının ərazisində lazımi təmir işləri aparılıb, ona görə də istismar müddətini bir neçə il uzatmaq olar.

Qeyd edək ki, AES Türkiyədən 16 km aralıda yerləşir. Stansiya 1969-1977-ci illərdə Ermənistan SSR ərazisində Metsamor şəhəri yaxınlığında tikilib. Türkiyə tərəfi Atom Elektrik Stansiyasının istismar müddətinin başa çatması ilə əlaqədar təhlükə yarada biləcəyi üçün onun bağlanmasına kömək istəyi ilə dəfələrlə MAQATE-yə müraciət edib.

Bu ilin oktyabrında Türkiyə Xarici İşlər Nazirliyi Atom Elektrik Stansiyasının MAQATE-nin nəzarətində olduğunu açıqlamışdı.

"MAQATE və Avropa İttifaqı zavodun təhlükəsizlik statusunun mövcud texniki standartlara cavab vermədiyini müəyyən edib. Agentlik zavodun struktur çatışmazlıqları ilə bağlı təhlükəsizlik çatışmazlıqlarını aradan qaldırmaq üçün işlərini davam etdirir. MAQATE əməkdaşları vaxtaşırı [ölkə daxilində] səfərlər və Ermənistanda yoxlamalar aparılır və hər missiyadan sonra ətraflı hesabat hazırlanır”, - Türkiyə Xarici İşlər Nazirliyinin bəyanatında deyilir.