Rusiya Federasiyasının prezidenti Vladimir Putin anlayır ki, zaman onun tərəfindədir, ona görə də Qərbin sanksiyalarına baxmayaraq, siyasətini davam etdirir. Bu fikri Amerikanın “Politico” qəzeti bildirib.

Məqalədə qeyd edilir ki, Qərb sanksiyaları Rusiya üçün xoşagəlməzdir, lakin “avropalı dostların köməyi ilə” Rusiya iqtisadiyyatı işləməkdə davam edir və Putinin özünün sözlərinə görə, bu il onun artımı 3%-i keçəcək.

“Bolqarıstandan Macarıstana, Avstriyaya və onun hüdudlarından kənara biznes və siyasi müttəfiqləri ilə Putin anlayır ki, vaxt onun tərəfindədir”, - məqalədə deyilir.

Dekabrın 22-də Virciniyadan olan amerikalı senator Mark Uorner deyib ki, ABŞ-ın Kiyevə əlavə yardımla bağlı razılığa gəlməməsi Vladimir Putin üçün hədiyyədir.

Bundan əvvəl ABŞ Silahlı Qüvvələrinin keçmiş kəşfiyyatçısı Tony Shaffer demişdi ki, Qərb ölkələri Putinin Ukrayna və cəbhədəki vəziyyətlə bağlı dediklərinə qulaq asmalı, Ukrayna Silahlı Qüvvələrinin qələbəsinə inanmağa və Kiyevi maliyyələşdirməyə davam etməməlidir.