Bu gün İrəvanda Ermənistan və İran xarici işlər nazirliklərinin rəhbərləri arasında danışıqlar baş tutub. Nəticələrdən sonra nazirlər birgə mətbuat konfransı keçiriblər.
İran tezliklə Təbrizdə Ermənistan konsulluğunun açılacağına ümid edir. Bu bəyanatla İslam Respublikası Xarici İşlər Nazirliyinin rəhbəri erməni həmkarı ilə danışıqlardan sonra çıxış edib.

“Biz Tehranın Ermənistanın Təbrizdəki Baş Konsulluğunun açılmasına razılığını bildirdik və ümid edirik ki, yeni ilin qarşıdakı həftələrində erməni həmkarımla birlikdə Baş Konsulluğun rəsmi açılış mərasiminin şahidi olacağıq”.

- deyən Hüseyn Əmir Abdullahyan həmçinin qeyd edib ki, İran Cənubi Qafqazda sabit sülhün bərqərar olmasının tərəfdarıdır və bu məsələdə qarant ola bilər. Bundan əlavə, nazir İranın Şimal-Cənub dəhlizinin işə salınmasını və Ermənistan rəhbərliyinin daha əvvəl elan etdiyi “Dünyanın kəsişməsi” konsepsiyasını dəstəklədiyinə diqqət çəkib.

Ermənistan XİN rəhbəri öz növbəsində qeyd edib ki, bugünkü danışıqlarda Fars körfəzi ilə Qara dənizi birləşdirən Şimal-Cənub dəhlizinin və kommunikasiyaların əhəmiyyəti qeyd olunub.

“Biz regional kommunikasiyaların, dəmir yollarının, boru kəmərlərinin, avtomobil yollarının, elektrik xətlərinin inkişafını nəzərdə tutan “Dünyanın kəsişməsi” konsepsiyasını müzakirə etdik... Regional nəqliyyat kommunikasiyaları məsələsində Ermənistan və İranın yanaşmaları tamamilə uyğundur”.