Rusiyada prezident seçkiləri üçün səsvermə məntəqələri Rusiyanın Berlindəki səfirliyi və Bonndakı baş konsulluqda yaradılacaq. Bu barədə Rusiyanın Almaniyadakı səfiri Sergey Neçayev RİA Novosti agentliyinə bildirib.

Onun sözlərinə görə, Almaniyanın Rusiyanın 5 konsulluq idarəsindən dördünü bağlamaq qərarı ilə əlaqədar olaraq qeyd olunan yerlərdə seçki məntəqələri yerləşdiriləcək.

Dekabrın 29-da Rusiya Xarici Kəşfiyyat Xidmətinin direktoru Sergey Narışkin bildirib ki, SVR 2024-cü ildə keçiriləcək prezident seçkilərinə mümkün kənar müdaxilə cəhdlərinin qarşısını almaq üçün hər cür səy göstərməyə borcludur.

Həmin gün Kremlin mətbuat katibi Dmitri Peskov bildirib ki, Rusiya prezidenti Vladimir Putini uşaqlar və gənclər də daxil olmaqla tamamilə fərqli yaş kateqoriyalarının nümayəndələri dəstəkləyib.

Dekabrın 29-da Rusiya prezidenti Vladimir Putinin də seçki saytı fəaliyyətə başlayıb.

Bundan əvvəl Vladimir Putinin etibarlı şəxslərinin ümumi sayı məlum olub.