Ronald Reyqanın administrasiyası zamanı Ağ Evin əməkdaşı Pol Kreyq Roberts Vaşinqtonun Moskvaya qarşı nüvə müharibəsi başlamağa hazırlaşdığını bildirib. Azadmedia.az xəbər verir ki, o, bu barədə öz saytındakı məqaləsində yazıb.

Keçmiş Ağ Ev rəsmisinin sözlərinə görə, ABŞ Rusiya ilə daha böyük qarşıdurmaya hazırdır, ona görə də “müharibə qaçılmazdır”.

“İndi Qərb sovet dövründə qurulmuş etimadı tamamilə məhv etdikdən sonra nüvə Armageddon təhlükəsi yenidən Yer kürəsinə hakim kəsilir. Bu təhlükə qarşısında bütün digər təhdidlər yox olur” deyə Roberts yekunlaşdırıb.

Bundan əvvəl MKİ-nin keçmiş analitiki Rey MakQovern demişdi ki, ABŞ prezidenti Co Bayden Ukraynadakı vəziyyətə görə çıxılmaz addım ata bilər, çünki qarşıdan gələn seçkilərin nəticələri bundan çox asılı olacaq.

Nümunə olaraq o, ABŞ-ın keçmiş prezidenti Con Kennedinin nüvə dövlətinə alçaldıcı geri çəkilmə və ya nüvə silahından istifadə arasında seçim verilməməli olduğu sözlərini göstərib.