Aİ Şurası Ermənistanda Azərbaycanla sərhəddə Aİ müşahidəçi missiyasının genişləndirilməsini təsdiqləyib. Bu barədə missiyanın mətbuat xidməti məlumat yayıb.

Xatırladaq ki, dekabrın 11-də Aİ ölkələrinin xarici işlər nazirləri Aİ-nin Ermənistandakı mülki missiyalarının sayını 138 işçidən 209-a çatdırmaq barədə qərar qəbul ediblər. Missiya şəhərlərində yerləşən 6 qabaqcıl əməliyyat bazasından (FOB) patrul xidməti həyata keçirir. Kapan, Goris, Cermuk, Yeghegnadzor, Martuni və İcevan.

"Biz Aİ Şurasının Aİ missiyasını genişləndirmək qərarını alqışlayırıq. Missiya heyətinin artırılması Aİ-nin regionda sülh və təhlükəsizliyə sadiqliyini vurğulayır", - bəyanatda deyilir.

Aİ-nin qondarma mülki missiyası 20 fevral 2023-cü il tarixindən Azərbaycan tərəfinin razılığı olmadan Azərbaycanla sərhəddə Ermənistanda yerləşdirilib və ilkin olaraq 100 nəfərdən ibarət olub. Həm Bakı, həm də Moskva müntəzəm olaraq missiyanın mülki xarakterdən uzaq olmasına diqqət çəkir, onun tərkibinə məlumat toplayan xüsusi xidmət orqanlarının nümayəndələri daxildir.