Azərbaycan və Ermənistan Xarici İşlər nazirlikləri birbaşa əlaqə saxlayır. Bu barədə Ermənistanın xarici işlər naziri Ararat Mirzoyan bu gün, 2023-cü ilin yekunlarına dair mətbuat konfransında bildirib.

Xarici siyasət idarəsinin rəhbəri qeyd edib ki, təkcə iki Zaqafqaziya respublikasının rəhbərlərinin administrasiyaları arasında birbaşa əlaqə qurulmayıb.

“Bu, iki ölkənin xarici işlər nazirlikləri ilə “yerdə” işləyən bir sıra qurumlar arasında mövcuddur. Sülh müqaviləsi üzrə təkliflərin mübadiləsi və ya bu mövzuda substantiv müzakirələr Xarici İşlər Nazirlikləri arasında aparılır”, - deyə erməni nazir bildirib.

Onun sözlərinə görə, eyni zamanda, qeyri-rəsmi müzakirələr də başqa kanallar vasitəsilə aparılır. Mirzoyan xatırladıb ki, belə təmasların nəticəsi, məsələn, 32 erməni əsirinin iki azərbaycanlıya dəyişdirilməsi olub.