Ermənistan hakimiyyəti Azərbaycan rəhbərliyini təcavüz etməmək paktı imzalamağa dəvət edib. Azadmedia.az xəbər verir ki, bunu ER baş naziri Nikol Paşinyan bildirib.

O, bu barədə Ordu Günündə çıxışı zamanı bildirib.

Onun sözlərinə görə, İrəvan Bakıya bir sıra təkliflər verib. Onlardan biri silahlara qarşılıqlı nəzarət mexanizminin işlənib hazırlanması və yaradılması ilə bağlıdır.

“Sülh müqaviləsinin imzalanmasının gözlənildiyindən daha uzun sürəcəyi ortaya çıxarsa, təcavüz etməmək haqqında paktı imzalamaq da təklif edilib” - deyən Ermənistan hökumətinin başçısı diqqəti İrəvanın sülhə sadiq qalmasına və sülh gündəmindən əl çəkməyəcəyinə yönəldib.