Türkiyə prezidenti Rəcəb Tayyib Ərdoğan Ankaranın öz raketini kosmosa buraxmağı planlaşdırdığını bildirib.
Onun sözlərinə görə, o, ümid edir ki, yaxın illərdə Türkiyə xüsusi proqramlar çərçivəsində təlim keçmiş astronavtlarla öz raketini kosmosa göndərə biləcək.

Bundan əvvəl “Baykar”ın idarə heyətinin sədri Səlcuq Bayraktar şirkətin 2025-ci ildə öz peykini kosmosa buraxmağı planlaşdırdığını bildirib.

Onun sözlərinə görə, il yarımdır ki, kosmik layihə üzərində iş gedir, Baykar gələcəyi gözləyir və bu gün bu gələcək üçün yarışmağa hazırlaşır.

Bayraktar aydınlaşdırıb ki, şirkət hazırda kosmik texnologiya sahəsində aşağı orbitli komanda peykləri və orbital nəqliyyat vasitələri üzərində işləyir. Onun qlobal naviqasiya sistemləri və xüsusi rabitə proqramları üçün innovasiyaların inkişafına dəstək verəcək peyk olacağı gözlənilir.