ABŞ prezidenti Co Bayden bu gün axşam saatlarında Yaxın Şərqdə hərbi əməliyyata icazə verə bilər. Azadmedia.az xəbər verir ki, bu barədə Britaniyanın Sky News telekanalı məlumat yayıb.

Telekanalın məlumatına görə, yaxın saatlarda hərbi məsləhətçilər Baydenə hərəkət üçün bir neçə variant təklif edəcəklər - simvolikdən sərt cəzaya qədər. Pentaqonun seçim siyahısına İranın hüdudlarından kənarda yerləşən İran hərbi obyektlərinə zərbələr endirilməsi də daxildir.

Bayden, qərar verməzdən əvvəl, Sky News hesab edir ki, yalnız xarici geosiyasi amilləri deyil, həm də daxili siyasətin mülahizələrini rəhbər tutacaq. Respublikaçılar ABŞ-dan İranın özünə hərbi hücumlar tələb edirlər. Bir tərəfdən, Bayden seçki ilində qətiyyətsiz görünə bilməz. Lakin digər tərəfdən, daha bir baha başa gələn müharibə onun yenidən seçilmək şansına zərbə vura bilər. Buna görə də Bayden bölgədə lüzumsuz hərbi eskalasiyaya gətirib çıxarmayacaq qərar qəbul etməyə çalışacaq.

Bundan əvvəl ABŞ dövlət katibi Antoni Blinken bildirmişdi ki, Vaşinqtonun Yaxın Şərqdə Amerika maraqlarına və qoşunlarına hücumlara cavabı bir neçə mərhələdən ibarət ola bilər, çox səviyyəli və uzunmüddətli ola bilər.