Ermənistan Azərbaycana işğaldan azad edilmiş ərazilərdə 8 formada mina sahəsi xəritəsi verib. Bu barədə Azərbaycan Respublikası Ərazilərinin Minalardan Təmizlənməsi üzrə Agentlikdən (ANAMA) məlumat verilib.

Bildirilib ki, təqdim olunan sənədlər əsasən Kəlbəcər rayonunun Murovdağ silsiləsi boyu minalanmış sahələrin qeydlərindən ibarətdir.

Normativ texniki qaydalara uyğun olaraq, mina sahəsi formalarında istinad nöqtələri, növləri, miqdarı, quraşdırılmış minalar arasındakı məsafələr, quraşdırma və gizlədilmə üsulları haqqında məlumatlar göstərilir.