Ermənistan Müdafiə Nazirliyi sərt əmr verib. Əmrə əsasən hərbi qulluqçular Azərbaycanla sərhəddə eskalasiya törətməsinlər. Bunu Ermənistanın baş naziri Nikol Paşinyan Britaniya parlamentinin İcmalar Palatasının üzvü Con Uittinqdeylin başçılıq etdiyi nümayəndə heyətinin nümayəndələri ilə görüşündə deyib.

Britaniyalı siyasətçinin səfəri şərti Azərbaycan-Ermənistan sərhədində Ermənistan tərəfinin törətdiyi təxribatla eyni vaxta düşüb. “Ermənistan sülh prosesini davam etdirəcək, çünki biz əminik ki, onun alternativi yoxdur. Ermənistan Müdafiə Nazirliyindən hər hansı eskalasiyaya yol verməmək üçün çox ciddi göstəriş var”, - Paşinyan bildirib.