Avropa diplomatiyasının rəhbəri Aİ-nin Ermənistanla viza rejiminin liberallaşdırılması ilə bağlı danışıqlara başlamağa hazır olduğunu bəyan edib. O, İrəvanın da bu istiqamətdə irəliləyiş əldə etmək istədiyinə aydınlıq gətirib.
Ermənistan və Avropa İttifaqı viza rejiminin liberallaşdırılması ilə bağlı dialoqa başlamağa hazırlaşır. Bu bəyanatla fevralın 13-də Avropa diplomatiyasının rəhbəri çıxış edib.

Cozef Borrell qeyd edib ki, o, Ermənistan Xarici İşlər Nazirliyinin rəhbəri ilə bu mövzuda danışıb.
"Biz viza rejiminin liberallaşdırılması üzrə dialoqa başlamaq imkanlarını müzakirə etdik. Mən Ermənistanın müsbət münasibətini qeyd etdim və onu bu sahədə irəliləyiş əldə etmək üçün islahatları davam etdirməyə çağırdım" – deyən Avropa diplomatiyasının rəhbəri əlavə edib ki, Ermənistanın özü də bu istiqamətdə irəliləyişə nail olmaq istəyir.
Xatırladaq ki, çərşənbə axşamı Belçikanın paytaxtında Aİ-Ermənistan Tərəfdaşlıq Şurasının beşinci iclası keçirilir.