Rusiya Xarici İşlər Nazirliyinin sözçüsü Mariya Zaxarova NATO liderlərinin Aleksey Navalnının ölümünə reaksiyasını şərh edərkən deyib ki, onların reaksiyaları özünü ifşa edir. Bu barədə o, Telegram kanalında yazıb.

“NATO liderlərinin Navalnının ölümünə Rusiyaya qarşı birbaşa ittihamlar şəklində dərhal reaksiyası özünü ifşa edir. Hələlik məhkəmə-tibbi ekspertizası yoxdur, lakin Qərbin rəyləri artıq hazırdır”, - Zaxarova bildirib.

Bundan əvvəl bildirilmişdi ki, Federal Penitensiar Xidmət (FSIN) Aleksey Navalnının ölüm şəraitini aydınlaşdırmaq üçün onun həbsdə olduğu koloniyaya komissiya göndərib.

2021-ci ildən Navalnı məhkəmənin 3,5 illik şərti cəzasını real cəza ilə əvəz etdikdən sonra həbsdədir. 2022-ci ilin martında Navalnı dələduzluq və məhkəməyə hörmətsizlik ittihamı ilə 9 il müddətinə azadlıqdan məhrum edilib.

2022-ci ilin oktyabrında o, ekstremist icma yaratmaq və təşkil etmək, orada iştirak etmək, habelə ekstremist fəaliyyəti maliyyələşdirməkdə ittiham olunub. 2023-cü il avqustun 4-də Moskva Şəhər Məhkəməsi bu iş üzrə Navalnıya xüsusi rejimli koloniyada 19 il həbs cəzası kəsib.

2022-ci ilin yanvarında Rosfinmonitorinq Navalnı və onun bir neçə şərikini ekstremistlər və terrorçular siyahısına əlavə edib.
2022-ci ilin iyun ayından Navalnı Vladimir vilayətindəki İK-6-da cəza çəkir. 2023-cü ilin dekabrında onun Yamalo-Nenets Muxtar Dairəsinin Xarp kəndindəki IK-3 “Qütb canavarı”na köçürüldüyü məlum olub.