Washington Post öz mənbələrinə istinadən yazıb ki, Tehran Yaxın Şərqdə ABŞ-la birbaşa qarşıdurmadan ehtiyat edir. İran bölgədəki qruplaşmaları təmkinli olmağa çağırıb.

Bundan əvvəl Tehran açıq şəkildə xəbərdarlıq etmişdi ki, İran ordusu istənilən təhdidlərə cavab verməyə hazırdır. Bu, ABŞ-ın Suriya, İraq və Yəməndəki iranpərəst qruplara qarşı cavab zərbələrindən sonra baş verib.
Qəzet yazır ki, İordaniyadakı Amerika bazasına 3 əsgərin ölümü ilə nəticələnən və üzərinə Kətaib Hizbullah qruplaşması tərəfindən edilən hücumdan bir neçə gün sonra Bağdaddakı iranlı hərbi komandir hərəkat liderlərindən ABŞ hərbi obyektlərinə hücumları dayandırmağı tələb edib.