Türk Dövlətləri Parlament Assambleyasının (TürkPA) baş katibi Mehmet Süreya Ər Avropa Şurası Parlament Assambleyasının (AŞPA) sədri Teodoros Russopulosa məktub göndərib. Bu barədə Milli Məclisin mətbuat və ictimaiyyətlə əlaqələr şöbəsindən məlumat verilib.

Məktubda Azərbaycanın AŞPA-dakı nümayəndə heyətinin səlahiyyətlərinin təsdiq edilməməsi ilə bağlı qətnamənin qəbul edilməsindən narahatlıq ifadə olunub.

Bildirilir ki, TürkPA bu qətnamənin qəbul edilməsindən dərin təəssüf hissi keçirir.

Məktubda dialoq və əməkdaşlıq prinsiplərinə uyğun olmayan bu qətnaməyə yenidən baxılacağına və Azərbaycanın AŞPA-dakı nümayəndə heyətinin fəaliyyətinin bərpa olunacağına əminlik ifadə edilir.