2024-cü il üçün hazırlıq planına uyğun olaraq Əlahiddə Ümumqoşun Ordunun birlik və birləşmələri tərəfindən “Çətin şəraitdə döyüş əməliyyatlarının aparılması” mövzusunda növbəti taktiki-xüsusi təlimlər keçirilib.
Təlimlərdə xüsusi təyinatlılar ərazi planı üzrə tapşırıqları dəqiqləşdirib, yüksək dağlıq ərazilərdə və şiddətli şaxta şəraitində qar avtomobillərində taktiki hərəkətləri yerinə yetirib.

Döyüş qrupları tərəfindən saxta düşmənin qalasına qəfil hücum həyata keçirilib, obyektdə aşkar edilmiş canlı qüvvə və onun cinahları sıradan çıxarılıb, təchizat yolları bağlanıb, gücləndirmə üçün gələn qüvvələrin məhv edilməsi üzrə tapşırıqlar yerinə yetirilib.