Fransa lideri Emmanuel Makronun daha əvvəl Rusiyanın Avropaya yaxınlaşan hücumu ilə bağlı verdiyi bəyanat fransızları dünya müharibəsinə sürükləmək məqsədi daşıyır. RİA Novosti xəbər verir ki, bu qənaətə Fransanın Vətənpərvərlər partiyasının lideri Florian Filippot X sosial şəbəkəsində gəlib.
Bundan əvvəl Emmanuel Makron Ukraynaya dəstək mövzusunda beynəlxalq konfransın açılışında Rusiyanın Avropa ölkələrinə “hücum” planlarını açıqlamışdı. O, bu arqumenti Ukraynaya dəstəyi dayandırmamaq üçün səbəb kimi göstərib.

"Biz müharibədəyik? III Dünya Müharibəsi?! Aydındır ki, məqsəd budur”, - Filippo yazıb.
O, hesab edir ki, Fransa Ukraynanı dəstəkləməkdən və onu silahla təmin etməkdən imtina etməli, həmçinin NATO-dan çıxmalıdır.

Makron Aİ qoşunlarının Ukraynaya göndərilməsinə icazə verib

Parisdəki konfransdan sonra Fransa lideri əlavə edib ki, bəzi NATO ölkələri hətta öz qoşunlarını Ukraynaya göndərə bilər, lakin bu məsələdə hələlik konsensus əldə olunmayıb.

Bundan əvvəl Dövlət Dumasının Sevastopoldan olan deputatı Dmitri Belik bildirmişdi ki, bir qrup NATO ölkəsi Ukraynada öz ordusunun mövcudluğunu leqallaşdırmaq üçün sui-qəsd etmək qərarına gəlib. Eyni zamanda o, etiraf edib ki, NATO əsgərləri artıq Ukraynada döyüşür, onlar bunu sadəcə muzdlular statusunda edirlər.