Gevorq Papoyan Ermənistanın yeni iqtisadiyyat naziri təyin edilib. Müvafiq sərəncamı bir gün əvvəl Ermənistan prezidenti Vaaqn Xaçaturyan imzalayıb. Qərar baş nazir Nikol Paşinyanın təklifi əsasında qəbul edilib.

Papoyanın Ermənistan parlamentinin “Mülki müqavilə” fraksiyasından deputatı kimi səlahiyyətlərinə xitam verilib.

Bundan əvvəl hakim “Mülki müqavilə” partiyası o vaxt parlamentin maliyyə, kredit və büdcə məsələləri üzrə komissiyasının rəhbəri olan Papoyanın iqtisadiyyat naziri vəzifəsinə namizədliyini təsdiqləyib.

Xatırladaq ki, nazir postu fevralın 14-dən, hazırda nazirlikdəki korrupsiya işi üzrə istintaq çərçivəsində ev dustaqlığında olan Vaan Kerobyanın istefasından sonra boşdur.