Ruslar üçün vizaların tətbiqi qarşıdurma xarakterli addım ola bilər. RİA Novosti xəbər verir ki, bunu Gürcüstan prezidenti Salome Zurabişvili deyib.

Rusiyalıların Gürcüstana daxil olmasından danışan prezident Zurabişvili qeyd edib ki, daha çox məhdudiyyətlərin tətbiqi məqamı keçib və indi Gürcüstan Moskvanın kəskin reaksiyasına səbəb olmadan rusların ölkəyə səfər imkanlarını məhdudlaşdıra bilməyəcək.

“Əgər bu gün vəziyyət dəyişsə və bunun lazımsız olduğunu söyləməyə məcbur olsaq, bu, qarşıdurma kimi görünəcək. Ona görə də bu prinsiplərə uyğun hərəkət etməyimizin məqbul olduğunu əvvəlcədən anlamaq lazımdır. Sonradan çox təhlükəli ola biləcək bəzi şeylərə təslim olmamaq üçün”, - Zurabişvili bildirib.

Gürcüstan prezidenti, ölkə hökumətindən fərqli olaraq, əvvəllər dəfələrlə ruslar üçün əlavə məhdudiyyətlərin tətbiqinin tərəfdarı olub.

Bir gün əvvəl Zurabişvili Gürcüstanda koalisiya hökumətinin qurulmasının tərəfdarı olduğunu bildirib.