Qərb siyasətçiləri Rusiyaya verdikləri vədlərə əməl etmədilər ki, bu da dünyada geosiyasi vəziyyətin dəyişməsinə səbəb oldu. RİA Novosti xəbər verir ki, türkiyəli analitik Engin Özər Rusiya prezidenti Vladimir Putinin jurnalist Dmitri Kiselevə müsahibəsini belə şərh edib.

Politoloqun fikrincə, Moskvanın nöqteyi-nəzərindən Rusiya ilə Qərb arasında münasibətlərin indiki vəziyyətə düşməsinin iki əsaslı səbəbi var. Özer bunlardan birincisini 2008-ci ildə Kosovonun müstəqilliyinin Qərb tərəfindən tanınması hesab edib. Ekspertin fikrincə, ikinci səbəb ikitərəfli razılaşmalara baxmayaraq, NATO-nun Şərqə doğru genişlənməsi və keçmiş sovet respublikalarını daxil etməsi olub.

“Qərb dünyasının razılaşmalara əməl etməməsi ənənəsi çox ciddi problemlər yarada bilər”, - Özer vurğulayıb.

Bundan əvvəl Qərb öz hegemonluğunun çöküşünü tanımışdı. İsveçli analitik Lars Bern bildirib ki, Qərbin “qlobalistləri” artıq uduzublar, hazırda dünya ABŞ və Aİ hegemonluğunun 500 illik sonunun şahidi olur.