Ağ Evin strateji kommunikasiyalar üzrə koordinatoru Con Kirbi bildirib ki, ABŞ administrasiyası Rusiya Federasiyası ilə İran arasında hərbi-texniki əməkdaşlığın genişləndirilməsi ilə əlaqədar əlavə sanksiyaların tətbiqi ehtimalını etiraf edir. Bu barədə RİA Novosti məlumat yayıb.

O vurğulayıb ki, Vaşinqton sanksiya tədbirlərini əvvəlcədən elan etmir, lakin bu vəziyyətdə müxtəlif variantlar nəzərdən keçirilir.

Kirbi əlavə edib ki, əlavə sanksiyalar gündəmdəki variantlardan biridir.

Bundan əvvəl məlum olub ki, Avropa İttifaqı Rusiyaya qarşı əvvəllər tətbiq edilmiş anti-Rusiya məhdudiyyətlərindən yayınma ilə mübarizə üçün yeni tədbirləri özündə əks etdirən 14-cü sanksiyalar paketini planlaşdırır.

Fevralın 23-də Avropa İttifaqı Şurası 13-cü anti-Rusiya sanksiyalar paketini təsdiqləyib. Buraya 194 fiziki və hüquqi şəxs daxil idi. Sanksiyalar, xüsusən də Rusiyanın pilotsuz təyyarələrin komponentlərinə çıxışını məhdudlaşdırmaq məqsədi daşıyır. Bundan əlavə, Hindistan, Şri-Lanka, Çin, Serbiya, Qazaxıstan, Tailand və Türkiyə şirkətləri də məhdudiyyətlərə məruz qalıb. Aİ Rusiyanın hərbi-sənaye kompleksini dəstəklədiyi iddiası ilə 27 təşkilatı yeni sanksiyalar paketinə daxil edib.