Türkiyə müdafiə sənayesində böyük irəliləyişlər əldə edib, hazırkı hədəfi pilotsuz sualtı nəqliyyat vasitəsinin yaradılmasıdır. Bunu Türkiyə lideri Rəcəb Tayyib Ərdoğan hərbçilərlə iftar zamanı deyib.

Onun sözlərinə görə, terror təşkilatlarına qarşı qətiyyətli mübarizə davam edəcək və bu yay İraqla sərhəddə təhlükəsizlik tam təmin olunacaq və “Suriyadakı yarımçıq işimiz” də başa çatacaq.

"Onsuz da məhv olmaq ərəfəsində olan bu qatil dəstələrinin yenidən çiçəklənməsinə və xalqı təhdid etməsinə imkan verməyəcəyik. Məqsədimiz terrorun kölgəsindən tamamilə azad bir Türkiyəni uşaqlarımıza təslim etməkdir", - Rəcəb Tayyib əlavə edib.