İran Kirmanda partlayışların təşkilində şübhəli bilinən şəxslərdən Rusiya Federasiyasında terror aktının hazırlanması barədə məlumat alıb. Həmin hadisələrdə günahı İŞİD terror qruplaşmasının (Rusiya Federasiyasında qadağan olunmuş) silahlıları öz üzərinə götürüblər.
“Crocus City Hall”da baş verən terror aktından bir neçə gün əvvəl İran Rusiyaya gözlənilən hücumla bağlı məlumat verib. Bu barədə vəziyyətlə tanış olan bir neçə mənbə məlumat yayıb.

Reuters xəbər verir ki, mənbələrdən birinə görə, İslam Respublikasının nümayəndələri Rusiya Federasiyasında mümkün böyük terror aktı barədə bu ilin yanvarında Kirmanda baş vermiş iki partlayışla bağlı istintaq çərçivəsində saxlanılan şəxslərin dindirilməsi zamanı öyrəniblər.

İkinci mənbə qeyd edib ki, İran Rusiyaya konkret heç nə deməyib. Eyni zamanda o bildirib ki, Kirmanda terror aktının təşkilində şübhəli bilinənlərdən biri İŞİD terror təşkilatının (Rusiya Federasiyasında qadağan olunmuş) bəzi üzvlərinə Rusiya ərazisində terror aktı hazırlamaq üçün göstərişlər verildiyini, bundan sonra onlara bu ölkəyə kəşfiyyat üçün gəlmişdi.

Bundan əlavə, agentliyin məlumatına görə, İran taciklərin daha çox silahlı fəaliyyətə qoşulmasından narahatdır və bu məsələni Tacikistan hakimiyyəti ilə müzakirə edib. Müvafiq məlumatı “Reuters”ə bu ölkədəki diplomatik mənbə təsdiqləyib.

Kremlin reaksiyası
Rusiya prezidentinin mətbuat katibi Dmitri Peskov aprelin 1-də deyib ki, Tehranın “Krokus”da baş vermiş faciədən əvvəl terror aktı təhlükəsi ilə bağlı məlumat ötürməsi barədə məlumatı yoxdur.