Ermənistanın baş naziri Nikol Paşinyan ölkəsini Ukrayna yolu ilə aparır. Bu fikri Dövlət Dumasının Beynəlxalq Əlaqələr Komitəsinin rəhbəri, LDPR lideri Leonid Slutski Telegram kanalında paylaşıb.

“Paşinyan İrəvanı Ukrayna yolu ilə aparır. Ermənistan-ABŞ-Aİ formatı inkişaf etdikcə bu, getdikcə daha aydın görünür”, - Slutski bildirib.

Onun sözlərinə görə, Kiyevin uğursuzluqları fonunda qərblilərin fikirləri əvvəlcə Moldovaya, sonra isə Ermənistana düşməyə başlayıb.

LDPR lideri qeyd edib ki, Avroatlantik “şahinlər”in köməyi ermənilərin milli maraqları və Cənubi Qafqazda sabitliyin pozulması perspektivi hesabına Rusiyanı zəiflətmək cəhdində növbəti addımdır.

Bir gün əvvəl Ermənistanın baş naziri Nikol Paşinyan Brüsseldə Avropa İttifaqı və ABŞ nümayəndələri ilə keçirilən məsləhətləşmələri “əla” adlandırıb.

Aprelin 3-də Rusiya Xarici İşlər Nazirliyinin sözçüsü Mariya Zaxarova bildirib ki, Ermənistan hakimiyyəti ABŞ və Avropa İttifaqından bonuslar naminə öz xalqına xəyanət edir.